Innuttaasut amerlassusaat ineriartornerallu

2016-imi januaarip aallaqqaataani Kalaallit Nunaat 55.847-inik inoqarpoq, innuttaasut ataatsimut amerlassusaat ukiut kingulliit 20-it ingerlaneranni 56.000+/- 1000-inik amerlassuseqartarsimapput. Ukiut 20-it taakku ingerlaneranni innuttaasut annikitsuinnarmik amerliartorsimapput. 2005-ip tungaanut inuit amerliartuaarusaarsimapput, kisianni maanna kisitsisit takutippaat inuit ikiliartulersimasut, inuillu annikikkaluamik ikiliartuaaginnarnissaat naatsorsuutigineqarpoq.

 

Takussutissiaq 1.1. Innuttaasut inunngorfiinut immikkoortiterlugit

 

1985

1990

1995

2000

2005

2010

2015

2016

Katillugit

52.940

55.558

55.732

56.124

56.969

56.452

55.984

55.847

Kalaallit Nunaanni inuusimasut

43.751

46.306

48.412

49.369

50.272

50.226

49.975

49.826

Kalaallit Nunaata avataani inuusimasut

9.189

9.252

7.320

6.755

6.697

6.226

6.009

6.021

Najoqqutaq: Naatsorsueqqissaartarfik http://bank.stat.gl/benst1

 

Innuttaasut amerlassusaat amerliartornerallu inunngortut amerlassusiisa allanngorarnerannik, toqusut amerlassusaannik, nunatsinnut nutserartut nunatsinnillu nuuttut amerlassusaannik tunngaveqartumik aallaaveqartarput. Ukiumut ajoratik inunngortut toqusullu amerlassusiisa assigiinngissusaat tassaavoq inunngortut amerlanerussutaat. Nunatsinniit aallarartut tikerartunit amerlanerugaangata nutsernerit akuersaarnartutut oqaatigisarpavut imaluunniit nunatsinnut nutserartut akuersaarnanngitsutut oqaatigisarlugit. Titartakkami 1.1-mi takutinneqarpoq 1950-imiit ukiumut inuit amerliartornerat, inunngortut amerlanerussutaat taamalu aallarartut amerlanerussutaat. Takuneqarsinnaavoq piffik tamakkivillugu inunngortut amerlanerussutaat ukiumut annertuumik allanngoranngitsut akerlianilli aallarartut annertumik allannguuteqartarnerat. Tassa imaappoq ukiumoortunik innuttaasut amerlassusiisa allannguutaat, nutsernerit pissusaannik siullermik nassuiaatissaqartarpoq.

 

Titartagaq 1.1. Innuttaasut amerliartornerat, inunngortut amerliartuutaasut aammalu nuuttartut

Najoqqutaq: Naatsorsueqqissaartarfik, http://bank.stat.gl/bensat1

 

Inunngortut amerliartuutaasut 1960-ikkut aallartinneranni malunnavissumik amerlapput, piffissami pineqartumi kinguaassiorsinnaassuseqarnerup malunnavissumik qaffasissusia. Ukiorpaalunnguit ingerlaneranni kinguaassiorsinnaassuseqarnerup qaffasissusia affaannanngorpoq, ukiumut inunngortut affaannanngorlutik. Oqaatigineqartarpoq ”ukiut inunngorfiunerpaasut” 1960-ikkunni pisut. Taakku ukiut inunngorfiunerpaasut 1950-ikkunnit 1970-ikkunnillu marloriaammik inunngortunit amerlanerupput. Ukiut inunngorfiunerpaasut kingorna innuttaasut utoqqaassusiisa agguarnerinut allanngornerujussuarnik pilersitsipput, taamatullu tamanna takuneqarsinnaalluni innuttaasut amerlassusaannut pyramidiliami. 1960-ikkunni inunngortut 2016-imi 46-nit 56-inut ukioqarput, ukiuni taakkunani inuusut ukiut qulit qaangiuppata utoqqalinersiaqalertussaassapput.

 

Titartagaq 1.2. 2016-imi innuttaasut amerlassusaannut pyramidi

Najoqqutaq: Naatsorsueqqissaartarfik, http://bank.stat.gl/benst1